تخلیے کی باتوں میں

تخلیے کی باتوں میں 

گفتگو اضافی ہے 

پیار کرنے والوں کو 

اک نگاہ کافی ہے 

[امجد اسلام امجد]

donon ko adhura chor diya

وہ لوگ بہت خوش قسمت تھے 

جو عشق کو کام سمجھتے تھے

یا کام سے عاشقی کرتے تھے

ہم جیتے جی مصروف رہے

کچھ عشق کیا، کچھ کام کیا 

کام عشقق کے آڑے آتا رہا

اور عشق سے کام الجھتا رہا 

پھر آخر تنگ آ کر ہم نے

دونوں  کو ادھورا چھوڑ دیا!

Woh Log Bohot Khush-Qismat The

Jo Ishq Ko Kaam Samajhte The

Ya Kaam Se Aashiqi Karte The

Hum Jeete Jee Masroof Rahe

Kuch Ishq Kiya, Kuch Kaam Kiya

Kaam Ishq Ke Aarey Aata Raha

Aur Ishq Se Kaam Ulajhta Raha

Phir Aakhir Tang Aa Kar Hum Ne

Dono Ko Adhoora Chor Diya..!!!!

Tot batot ney kheer pakai

ٹوٹ  بٹوٹ  نے کھیر پکائی

خالہ اُس کی  لکڑی  لائی

پھوپھی  لائی  دیا سلائی

امی جان  نے  آگ  جلائی

ٹوٹ  بٹوٹ نے کھیر  پکائی

دیگچی  چمچہ، نوکر  لائے

بھائی   چاول   شکّر  لائے

بہنیں  لائیں  دودھ  ملائی

ٹوٹ  بٹوٹ  نے کھیر پکائی

ابا   نے   دی   ایک   اکنی

خالو  نے  دی  ڈیڑھ  دونیّ

ٹوٹ بٹوٹ  نے آدھی  پائی

ٹوٹ  بٹوٹ  نے کھیر پکائی

جوں ہی دستر خوان  لگایا

گاؤں  کا    گاؤں   دوڑا   آیا

ساری  خلقت  دوڑی   آئی

ٹوٹ بٹوٹ نے  کھیر  پکائی

مینڈک  بھی   ٹرّاتے   آئے

چوہے   شور   مچاتے  آئے

بلّی    گانا     گاتی    آئی

ٹوٹ  بٹوٹ  نے کھیر پکائی

کوّے  آئے  کیں کیں  کرتے

طوطے آئے  ٹیں ٹیں کرتے

بُلبل    چونچ   ہلاتی   آئی

ٹوٹ  بٹوٹ  نے کھیر پکائی

دھوبی ، کنجڑا ، نائی   آیا

پنسا ری   ،  حلو ائی    آیا

سب نے آ کر دھوم مچائی

ٹوٹ  بٹوٹ  نے کھیر پکائی

گاؤں  بھر  میں ہوئی لڑائی

کھیر کسی کے ہاتھ نہ آئی

میرے    اللہ    تری   دہائی

ٹوٹ  بٹوٹ  نے کھیر پکائی

Tot Batot key Murghay

ٹوٹ بٹوٹ کے دو مُرغے تھے

دونوں تھے ہُشیار

اِک مُرغے کا نام تھا گیٹو

اِک کا نام گِٹار

اِک مُرغے کی دُم تھی کالی

اِک مُرغے کی لال

اِک مُرغے کی چونچ نرالی

اِک مُرغے کی چال

اِک پہنے پتلُون اور نیکر

اِک پہنے شلوار

اِک پہنے انگریزی ٹوپی

اِک پہنے دستار

اِک کھاتا تھا کیک اور بِسکٹ

اِک کھاتا تھا نان

اِک چباتا لونگ سپاری

ایک چباتا پان

دونوں اِک دن شہر کو نِکلے

لے کر آنے چار

پہلے سبزی منڈی پہنچے

پھر لنڈے بازار

اِک ہوٹل میں انڈے کھائے

اِک ہوٹل میں پائے

اِک ہوٹل میں سوڈا واٹر

اِک ہوٹل میں چائے

پیٹ میں جُوں ہی روٹی اُتری

مُرغے ہوش میں آئے

دونوں اُچھلے، ناچے، کُودے

دونوں جوش میں آئے

اِک بولا میں باز بہادُر

تُو ہے نِرا بٹیر

اِک بولا میں لگڑ بگھیلا

اِک بولا میں شیر

دونوں میں پھر ہُوئی لڑائی

ٹھی ٹھی ٹُھوں ٹُھوں ٹھاہ

دونوں نے کی ہاتھا پائی

ہی ہی ہُوں ہُوں ہاہ

اِک مُرغے نے سِیخ اُٹھائی

اِک مُرغے نے ڈانگ

اِک کے دونوں پنجے ٹُوٹے

اِک کی ٹُوٹی ٹانگ

تھانے دار نے ہنٹر مارا

چِیخے چُوں چُوں چُوں

ٹوٹ بٹوٹ نے گلے لگایا

بولے کُکڑوں کُوں

Tot Batot

ایک   تھا     لڑکا    ٹوٹ     بٹوٹ

باپ    تھا   اس  کا   میر  سلوٹ

پیتا     تھا    وہ     سوڈا     واٹر

کھاتا      تھا      بادام     اخروٹ

ایک    تھا    لڑکا     ٹوٹ    بٹوٹ

ہر  اک  اس  کی   چیز  ادھوری

کبھی   نہ   کرتا  بات  وہ  پوری

ہنڈیا   کو    کہتا     تھا    ہنڈی

لوٹے    کو    کہتا     تھا    لوٹ

ایک    تھا    لڑکا    ٹوٹ    بٹوٹ

امی       بولی        بیٹا       آؤ

شہر   سے   جاکر    لڈو     لاؤ

سنتے   ہی  وہ    لے   کر  نکلا

جیب   میں   ایک  روپے  کا نوٹ

ایک     تھا     لڑکا   ٹوٹ   بٹوٹ

اتنا     اس    کا    جی    للچایا

رستے   میں    ہی    کھاتا   آیا

کھاتے    کھاتے    آئی   ہچکی

دانت میں اسکے لگ گئی چوٹ

ایک   تھا    لڑکا    ٹوٹ     بٹوٹ

بھائ       اسے    اٹھانے     آیا

ابا       گلے       لگانے        آیا

امی   اس    کی   روتی    آئی

ہائے      میرا      ٹوٹ       بٹوٹ

ہائے       میرا      ٹوٹ      بٹوٹ

ایک  تھا    لڑکا     ٹوٹ     بٹوٹ

Tot Batot Key Mehman

ٹوٹ بٹوٹ  کے   گھر   میں  آئے  دو   چوہے   مہمان

اِک   چوہا    تھا    بھولا    بھالا ، اِک   چوہا   شیطان

ٹوٹ بٹوٹ  کے   گھر   میں  آئے  دو   چوہے   مہمان

ٹوٹ   بٹوٹ   نے   ہاتھ   ملایا  ، جھُک کر  کیا   سلام

پھر  بولا  “یہ گھر  ہے تمہارا،  سمجھو  مجھے  غلام

جو  کچھ  چاہو  منہ  سے مانگو ، حاضر ہے یہ  جان“

ٹوٹ بٹوٹ  کے   گھر   میں  آئے  دو   چوہے   مہمان

ٹوٹ  بٹوٹ  کی  باتیں  سن  کر  پہلے   وہ  گھبرائے

کچھ کچھ اُن کا جی للچایا، کچھ  کچھ  وہ  شرمائے

کیا مانگیں اور کیا نہ  مانگیں، دِل  میں  تھے  حیران

ٹوٹ بٹوٹ  کے   گھر   میں  آئے  دو   چوہے   مہمان

دونوں  تھے  دو  دن  کے  بھوکے، مرتے کیا نہ کرتے

دونوں  نے   آخر   منہ   کھولا  ،  بولے    ڈرتے  ڈرتے

ہم کھائیں گے  پہلے  چٹنی،  پھر  کھائیں  گے  پان

ٹوٹ بٹوٹ  کے   گھر   میں  آئے  دو   چوہے   مہمان

چٹنی  میں   تھا   مِرچ   مسالا ، دینے  لگے  دہائی

پان   میں   چُونا   تیز   لگا   تھا  ،  فوراً  ہچکی  آئی

سی سی سی سی، سُو سُو سُو سُو، کھو کھو کھو کھو کھان

ٹوٹ بٹوٹ  کے   گھر   میں  آئے  دو   چوہے   مہمان

چوہوں  کی  حالت  نہ  پوچھو ،  ڈر  کر بھاگے چوہے

پیچھے  پیچھے  ٹوٹ  بٹوٹ  تھا ، آگے  آگے   چوہے

اب  کیسی   مہمانی   یارو  ،   اب   کیسا   مہمان

ٹوٹ بٹوٹ  کے   گھر   میں  آئے  دو   چوہے  مہمان

Chhad de goray sada pichha

چھڈ   دے   گورے   ساڈا پچھا،     ہور   وی   ملک   بہتیرے   نیں  
چھڈ   دے   گورے   ساڈا پچھا،    ساڈے   ہور   بکھیڑے   نیں
 

اسی   اسامے   کتھوں   لبئے،   سانوں   بجلی   لبدی   نئیں 

پانیں، آٹا، گیس تے روٹی،   ساڈی دال  تے  گلدی    نئیں
 
 گل   سن   گورے   دوروں   بہ   کہ،   گللاں   کرنیاں   سوکھاں   نیں 
  پر   جد   سر   تہ   پیندی   اے   تہ   فیر   نبھانیاں   اوکھیاں   نیں
 
 بس   کر   گورے   بڑا   توں   بولیا،   ہن   تے   واری   ساڈی   اے
چپ   کر،   بس   کر،   رہ جا،   ٹھپ جا  -   ساڈی   چین   نال   یاری   اے  

 
 

Chhad de goray sada pichha - hor vi mulk bahteray nein

Chhad de goray sada pichha - saaday hor bakheray nein

Asi osamay kithon labiaay - sanun bijli labhdi nai

Pani, bijli, gas te roti - saadi daal te galdi nai

Gal suun goray duron beh key gallan karnian soukhian nein

per jid siir tey peindi ai tey feir nibhanian auokhian nein

Bus kar goray, bara tun bolia hun tey vari saadi ai

chup kar, bus kar, ruk ja, thap ja, saadi cheen nal yarri ai